Moderatorja e dashur për publikun, Arbana Osmani postoi një foto në rrjetin e saj social ‘Instagram’, ku shfaqej në ashensor, teksa pyeste ndjekësit se çfarë i mungon nga jeta e përditshme.
Ndër komentet e shumta, ajo që ra në sy ishte komenti i mikes saj më të mirë, Xhemi Shehu, e cila e ‘kritikoi’ për veshjen.
‘Ti qofsh që shkon në punë me shalë jashtë’ shkruante Xhemi, teksa Arbana i përgjigjet: Apapap sa xheloze të ka bërë karantina ty edhe disa, duke hedhur një kunj kështu për gazetaren Aulona Musta.
Kujtojmë se, gazetarja Aulona Musta, ditën e sotme gjatë një video live në ‘Instagram’ hodhi një thumb për moderatoren Osmani.
Aulona u shpreh se nuk do të përdorte asnjëherë statusin e saj të gazetares për të shkuar në Durrës për të bërë plazh, duke lënë të nënkuptohet se thumbi drejtohej për Arbanën, pasi kjo e fundit ishte pak ditë më parë në Durrës për të shijuar fundjavën.
